لوريال - سيروم إلفيف | L’oreal -Serum Elvive

السلام عليكم ورحمة الله بركاته

مساء / صباح الجمال

تجربتي لـ سيروم الشعر من لوريال , ماراح اتكلم بـ شكل عام عن شعري راح اتكلم عن تجربتي لـ السيروم  لو راح اتكلم عن اهتمامي وعنايتي  بـ شعري يبغا ليا أكثر من بوست , ان شاء الله قريب راح أكتب عن عنايتي بـ شعري ,

خلوني أعرفكم أول عن السيروم علشان تكون عندكم خلفيه أكثر ..

 أكيد دايم نسمع عن السيروم ! وش هوا ؟ وأستخدمه متى ؟ السيروم له فوائد كثيرة سوا , لـ الشعر أو الوجه & البشرة ...

أنواع السيروم ’ كل براند مـ نزل له سيروم ! 

أي سيروم أشتريتيه ونفعك خليك عليه ولا تغيريه..

السيروم!

كلمة سيروم تعني معالج مثل معالج.لشعر , البشرة, الوجه إلخ..

قوام السيروم!

هوا أخف من الكريم المرطب و يكون مثل الجل..

وش هوا السيروم!

السيروم هو مستحضر ومصل مركب من مواد مركزة فعالة جداً تتغلغل داخل طبقات الجلد العليا لتجدّد الخلايا داخلها. يستخدم السيروم للبشرة والشعر ويـ عمل على تغذيه الشعر والبشرة وتقويتهم , منه نوع يستخدم كبلسم و علاج للتقصف ومنعم للشعر

ونوع يستخدم للعناية و التجميل للبشرة

و نوع يستخدم للعناية بالعيون

أنواع السيروم!

الأكيد مافي سيروم واحد يسوي لك كل يلي تحتاجينه سوا  تغذية للبشرة أو لـ الشعر كل سيروم مخصص لـ شي.

سيروم المعالج

سيروم الواقي

سيروم المرطب

سيروم المنظف

نوع شعري طويل وكثيف وطبيعته ويفي ناعم  لما أمشطه عادي سهل اتحكم فيه , أ حب شعري كيذا على طبيعته رغم أنو دارجه تسريحه الويفي , بس من يفهم الحريم عندنا !

 ’ ترا فيه فرق بين الشعر الويفي والمجعد (الكيرلي)!؟

أنا من النوع يلي ما احب أصبغ شعري ’ وايد محسوبات على الأصابع الأيام يلي صبغت فيهم شعري,

أخر مرة صبغت فيها شعري على عرس خالي وشعري أخترب مافيه أي حيويه مثل قبل , وأطراف شعري جافه , رغم أنو قبل كنت أصبغ شعري وما يتغير شعري يظل نفس ما اهوا على حيويته ’ أخر مره تزاعلنا أنا وشعري 

لا شعري رجع نفس قبل ولا أنا أهتميت فيه , لما شوفت شعري كيذا أخترب يلا جات من الله وكنت ناويه جد أقصه ’ بوي ’

رفضت أمي تقصه ليا ’ لو قصيتيه أزعل ’

كل شي ولا زعل الغاليه 

بس جد مدري وين راح عقلي يوم أبغا اقص شعري ,

رجع شعري نفس قبل وأحلى بعد راضينا بعض هههههه

أهتميت فيه وايد , علشان يرجع لـ طبيعته وحيويته

ومن الأشياء يلي أستخدمتها لـ شعري سيروم إلفيف من لوريال

طريقه أستخدامي!

بعد ما ينشف شعري بس يكون شويا رطب , أخذ في راحه يدي وأخذ كميه من السيروم وأوزعه على شعري وأكثر شي اركز عليه الأطراف , السيروم أخذي الكميه على حسب طول شعرك! أذا أستخدمتيه لشعرك ما تغسلينه خليه 

تجربتي!

بما أنو شعري أخترب من الصبغه فـ أنا محتاجه شي يـ نعم شعري أكثر بعد تضررة من الصبغه ويعالج الأطراف

سيروم لوريال ريحته تجنن قوامه جل خفيف التعبئه 50 مل , حافظ ليا على شكل شعري  وعالج ليا الأطراف من الجفاف , وشعري صار حيوي ولامع

وملمسه ناعم أكثر  رغم أنو ما استشور شعري الا اذا مناسبه كبيرة من أستخدمت السيروم شعري كانو مستشور جد حبيته , عادي لو أستخدمتيه وشعرك جاف مو لازم مغسول

واذا كنتي من النوع يلي يستخدم الاستشوار الأفضل تستخدمي السيروم قبل الاستشوار يحمي لك الشعر من الحرارة ,

و مناسب للشعر الجاف و الشعر المنفوش...

دمتم بحب

♥♥

Twitter | Instagram | Bloglovin | Ask