السبت، 7 مارس 2015

مراجعة ماسكارات ميبيلين | Review Maskrey Maybelline

السلام عليكم ورحمه الله وبركاته
صباح / مساء الخير 
بوست اليوم راح يكون مراجعه ماسكرات ميبيلين راح يكون أن شاء الله بوست حلو وخفيف
تعرفون أشلون ما أعيش بدون الماسكرا
لو قلتو,! بثينه اي منتج جمالي راح تختارينه او اختاري واحد ؟ راح أختار الماسكرا , ما أقدر أستغني عنها
أحب الماسكرات فوق ماتتخيلون..
ومن الماسكرات يلي أحبها, يلي تطول الرموش وبنفس الوقت تعطي كثافه لرموشي
راح أتكلم عن 3 أنواع من ماسكرات ميبيلين يلي عندي,




ماسكرات ميبلين تعتبر من الدرق ستور وأسعارها مناسبة والبعض يفضلها على ماسكرات الهاي اند

الدرق ستور= براندات تتوفر بكافة الأماكن والمحلات التجارية ’
جودتها نقدر نقول عنها ممتازه لكن بـ سعر اقل و بسيط  ومن شركات معروفه
الهاي اند= براندات عالميه يكون سعرها مرتفع تقريباً ، ومـا تتوفر بـ أبسط الأماكن
براندات=ماركات أو علامة تجارية

راح أوضح شي !
فيه بنات يقولو كلهم ماسكرات ومافي اي فرق بينهم وبـ يعطونا نفس النتيجه! لا,
في فرق بين كل ماسكرا

مثل!
الماسكرات نوعين (ماسكرا ضد الماء+ماسكرا عادية) 
الماسكرا يلي ضد الماء راح يكون مكتوب عليها(   waterproof)
وهـ النوع من الماسكرا ضد المويه لو أنتي تستخدمين الماسكرا بشكل يومي ما أنصحك تستخدميها  ,حلوه للمناسبات
الماسكرا العادية راح يكون مكتوب عليها ( washable )
في بعض الماسكرات مكتوب عليها والبعض لا,! هـ النوع حلو للأستخدام اليومي, وفي أنواع الماسكرات يلي تعطيك كثافة , ويلي تعطيك بس تطويل , وفي ماسكرات تعطيك كثافه وبـ نفس الوقت تطويل..


  أسمها!
Maybelline - The Falsies in Black Drama
ميبلين - فولسيز بلاك دراما مسكارا

تجربتي!
ماسكرا ذا فولسيز, أم الدانتيل او البنفسجيه كيذا اسميها ههههههه هـ الماسكرا كلمة حلوة شويا عليها أكثر شي حلو فيها فرشتها المقوسة تسهل عليك وتوصل لكل رموشك عجبني فيها سوادها وماتكتلت عليا ابد رغم انو اعيد كم مره على رموشي , تعطي لوك كأنك حاطة رموش صناعيه لو حطيتي اكثر من طبقة , هـ الماسكرا حلوة للأستخدام اليومي ..
سواتش من النت
لما نحط الماسكرا ونعيد عليها راح تعطينا نفس هـ النتيجة..
الحلو فيها!
مو نفس الماسكرات الثانية , يلي توسخ  وتسيح تحت العين وتقعدين يومين تحت عيونك اسود حتا لو شلتيها بـ مزيل ميك أب أعاني من هـ النقطة من الماسكرات حتا ولو بتعطيني كثافة وتطويل لرموشي وتسيح تحت العين مستحيل أعيد أشتريها,


الأستخدام!
امسكي الفرشه مثل الصورة يلي أنا حطها , وأبدي توزعين الماسكرا من الجذور لأعلى رموشك , اذا راح تحطين أكثر من طبقه , أول ما تفتحي الماسكرا وتوزعيها على رموشك لا تخليها حتا تجف وبعدها تحطي الطبقة الثانية غلط! أول ما تحطي الطبقة الأول على طول حطي  الطبقة الثانية لين تشوفين النتيجة يلي تبغينها..

أن شاء الله راح تكون من مشترياتي 
السعر!
5أو 4 ر.ع




    أسمها!
Maybelline – The Colossal Volum Express
ميبيلين - ذا كلوسل فوليوم إكسبريس مسكارا

تجربتي!
لاباس فيها سمعت أنو هـ الماسكرا تطول الرموش جربتها , أبد ماشوفت عطت رموشي اي طول , الماسكرا من الداخل سايله لما احطها على رموشي تتلصق ببعض واحسها مبلله , ماتنشف بسرعه , وتوسخ الجفن ومن تحت العين خاصه لو مستعجله..


سواتش من النت 
الأستخدام!
مشطي بالفرشة من جذور الرموش إلى فوق كأنك تمشطين يمين ويسار

السعر!
للأمانه ناسيه السعر بس ما يتعدى من 5أو 4 ر.ع


    أسمها!
Maybelline – The Colossal Volum Express
ميبيلين - ذا كلوسل فوليوم إكسبريس 


                                                                                   تجربتي!
هـ الماسكرا وتر بروف=ضد المويه , لوبتستخدميها لاتنسي تشتري لها مـ زيل مكياج للعيون , من تجربتي أبد ماحبيتها

ما عطتني كثافة لرموشي ولا تطويل ,مناسبه يلي رموشها طويله وكثيفه , ماراح أشتريها مره ثانيه, ماصار شهر من أشتريتها وتكتلت عليا صارت يابسه رغم ما أستخدمتها الا كم مره علشان اجربها وماعرضتها للهواء أبد , يلي شوفته من طريقه أستخدامي لها تفرق الرموش تخليه حبه حبه وسوادها مو كثيف , ورغم انها ضد المويه الا انها تسيح تحت العين ابد ابد ماحبيتها ’ الفوضه يلي تصير منها اذا استخدمتها توسخ الجفن شايفين في الصورة حجم الفرشه كبير  ..

سواتش من النت 

الأستخدام!
مشطي بالفرشة من جذور الرموش إلى فوق كأنك تمشطين يمين ويسار

السعر!
5أو 4 ر.ع

الماسكرا سوا كانت غاليه او رخيصه مايبين عليك يلي يبين عليك طريقه أستخدامك الصح لها






دمتم بحب




هناك 7 تعليقات:

  1. موضوع حلو وطرح أحلى جزاش الله كل خير كنت محتاره قبل مدريت اي وحدة أحلى

    ردحذف
    الردود
    1. ربي يسعدك على كلامك الحلو’
      ربي يـ جازيك ألف خير!

      حذف
  2. البنفسجيه بعدني ما اجربها
    بجربها مشكوره بثين

    ردحذف
    الردود
    1. العفو’
      البنفسجيه عشق بيني وبينها انصحك فيها!

      حذف
  3. مشكووورة عزيزتي ما تقصرين ...
    بالفعل البحرية والبنفسجية ما عجبوني

    آخر مرة اشتريت الماسكرا السوداء the colossal volum express black 100%
    بصراحة حبيتها لانها تعطيني لوك طبيعي وف نفس الوقت تبرز رموشي.. ما تتكتل وتحطي كل رمش بروحه >>>> ماعرف كيف اشرح هع

    مشكورة مرة ثانية
    واستمري ف تدويناتج :*

    ردحذف
  4. بالنسبة للبنفسجية اقصد الصفراء وفيها بنفسجي ،،،، مافيني اكتب اسمها هع

    ردحذف
    الردود
    1. حبيبتي انتي ,
      طلع احد مثل تجربتي,!

      حذف