افكار النجاح والطريق إلى الأبداع #غيمة تفاؤل

السلام عليكم ورحمة الله بركاته

 مساء / صباح التفاؤل

احب المواضيع  يلي تكون عن تطوير الذات او الاجابيه, التفاؤل احس براحه اذا كتبت موضوع او قريت عنه احس بـ طاقه إجابيه حولي اليوم جات في بالي اكتب بوست خفيف بعيد عن الجمال  وان شاء الله تحبوه وتستمتعوا فيه , وراح تكون

 #غيمة تفاؤل دايم في مدونتي لو حبيتوا البوست اسعدوني بتعليقاتكم تحت الموضوع او اذا حابين مواضيع أكثر عن #غيمة تفاؤل

اذا تبغوا تكونوا ناجحين ومبدعين في حياتكم , خلوا عندكم قوة في طريقة ابداع تفكيركم

الحين تقولوا اشلون نفكر وكيف الابداع عن طريق التفكير !

التفكير له طريقتين ,

الاولى : تفكير الإيجابي. انو نحدد الاهداف يلي نبغاها صح يعني احنا عارفين وش نبغا علشان ننجزه

الثانيه: تفكير السلبي. ماعندنا رؤية محددة وأهداف مو واضحة  نسير عليها في طريقه حياتنا دايم نكون متشتتين لانو ماعندنا فكره ومحنا عارفين وش نحبه من الأهداف ونبغا نسويها

طيب وش اسوي!

انو تحبوا نفسكم وتقبلوا ذاتكم , تكونوا مؤمنين بقدرات الله يلي وهبكم اياها من مواهب , اذا ماكنتوا واثقين من قدراتكم  راح يؤثر على قوة تفكيركم في أمور حياتكم راح تكونو ناس سلبيين دائماً واي شخص تفكيره سلبي مـ راح تفيد نفسك بـ اي شي , خلكم بعيدين عن ربعكم السلبيين , فيه ربع اذا قلتو لهم فكره حطموكم اوه وش تبغا فيها ووو .....إلخ  حتا ولو ما تبغوا تبتعدو عن ربعكم السلبيين بس على الاقل لاتقولوا لهم عن افكاركم لانهم راح يحطموكم , ابحثو دايم عن الناس الايجابيه شاركوهم في مواضيع او افكار .

اشلون احول شخصيتي من شخص سلبي إلى إجابي!

اول شي الرغبه وتكون نابع من داخلكم انو تبغوا تتغيروا , وحددوا الهدف يلي تبغوا توصلوا له مثال: راح اقول عن نفسي, كنت حابه افتح مدونه ,حطيت ليا هدف انو اوصل وافتح ليا مدونه كان عندي اصرار نابع من داخلي حطيت ليا نقاط وش هدفي من المدونه انزل الافلام اول بـ اول او مدونتي تكون خاصه عن التصوير او مقالات اكتبها ,بس هدفي من مدونتي اتكلم عن
 تجاربي اشياء يلي سويتها استفدت منها او لا, الاشياء الحلوه في حياتي ,انشر الالهام انشر الاجابيه , حابه اترك ليا بصمه في الحياة والسبب تكون مدونتي

, هـ الشي يلي اقصده اشلون تحددوا  اهدافكم راح اكتب بعد مثالين:
1.        في شخص وده يبني بيت طيب فكر انو بيبني وقرر اشلون راح يسوي الاثاث واشلون راح يصمم بيته وقرر البيت يكون كبير ومساحته كبيرة بس ذا كله في باله اهوا يخطط في تفكيره كلام بدون فعل اتعب نفسه بـ التفكير وارهق يلي حوله

2.       الشخص الثاني نفس الشي وده يبني بيت حدد اهداف البيت حدد مزانيته كم , وكم راتبه وكم الغرض يلي ياخذه وكم يبغى له من راتبه اختار خريطه لبيته مناسبه لعدد الافراد يلي بـ يعيشوا فيه سوا له مشروع خاص فيه علشان يكون لهم دخل ثاني , لانو راتبه راح يكون اغلبه للبنك , قرر اذا مساحه البيت كبيره انو يسوي شقق للايجار ويكون له دخل ثاني

3.       وحده تفكيرها انو تجيب نسبه عاليه في الثانويه بس ابد بدون مذاكره ولا تلخيص الدروس او مراجعه دروسها قبل الاختبارات المهم في بالها نسبه عاليه واذا طلعت نتايج النسبه وشافت نسبتها ضعيفه تقول ظلموني

4.        الثانيه حاطه في بالها نسبه عاليه حددت اهدافها راجعت المعلمات شافت لو ناقصها درجات شدت على نفسها في الاختبارات والاسئلة القصيرة لخصت لها الدروس وراجعت دروسها والاسئله قبل الاختبارات وجابت النسبه يلي تبغاها

الفرق بينهم اشلون الشخص السلبي والشخص الإجابي وطريقه كل واحد وتحديده لـ اهدافه

الله بيكون معاكم وراح يعينكم على تحقيق اهدافكم وخلو  نيتكم صافيه لله.

راح اكتب نقاط تساعدكم لتغيير للافضل ان شاءالله!

ü     خلو قرار حياتكم انتو يلي تحددوه القرار يلي انتو تحددونه بنفسكم راح يعطيكم قوة حلوه راح تسهل

عليكم في تحقيق اهداف حياتكم

ü     هواياتكم ومواهبكم لاتهملوها ولاتهملو نفسكم

ü     نمو هواياتكم ومواهبكم وخلو حياتكم ملئه بـ الانشطة والبرامج تثقيفيه اقروا كتب ,  شوفوا برامج  على اليوتيوب راح يزيد من قوة تفكيركم وقوة ثقافتكم

ü     خلو رغبتكم في تحقيق الاهداف مشتعله فيكم

دمتم بحب

♥♥

Twitter | Instagram | Bloglovin | Ask