ريفيو أرواج لايم كرايم المخملية | Review: Lime Crime's

السلام عليكم ورحمة الله بركاتة

هلا هلا تبغون الصدج وحشتوني كل مره اقول بنزل البوستات يلي كاتبتهم

بس مدري وش العيز يلي فيني بس يوم اشوف تعليقاتكم صدج كلامكم يعطيني

دافع إنو أكتب وأكمل تدوين

بس هـ الشهر اكثر شهر انضغط فيه بسبب شغلي

بوست اليوم أرواج لايم كرايم يلي سوت ضجة والصراحه غنيه عن التعريف

( الأرواج هي عبارة عن قلوس سايل كريمي بس يجف وتكون مخملية ومات )

فيه ناس تمدح الأرواج ويلي يذموها والأشاعات يلي طلعات عن الماركة

وإنو وجهت لهم منظمة العالمية للصحة والغذاء

رسالة تحذير إنو مكونات الأرواج مو صالحة للأستخدام والألوان المستخدمة

هي مواد تستخدم لـ صبغات الشعر والشركة عليها قضايا ..إلخ

الاجانب قاطعوا الماركة

وسوو حمله مقاطعه وغيره و كبرت السالفه

واعتقد الماركة لها منافسة قوية من الشركات ودائماً في البزنس يـكون

فية منافسة شريفة أو العكس

ويلي مـ حبت تخاطر في الأرواج راح تحصل أكيد بديل لها

ودايم أختاري الشي يلي يناسبك

هاه بنات راح تجربوا الأرواج ولا؟

التغليف!

ماركة لايم كرايم تميزت بـ تصميمها الأنيق الكيوت

كون الغطاء مورد و علبة بلاستيكية

وديزين العلبة عملي وايد

مميزات أرواج لايم كرايم!

الوانها مات وناعمة على الشفايف

مات=مطفي بدون لمعة

العلبة مميزة وأنيقة

ريحة الروج جد حلوة كأنها سويت كيذا ودي أكلها

وألوانها وايد قوية من أول مسحه

على طول تبين يعني مـ يحتاج تحطين مره ثانية فوقها

والحلو فيها مـ تتأثر بـ الشرب ولا تسيح

عصا الاسفنجة صغيرة علشان تحافظ على كمية المنتج

ثابتة لـ أكثر من ساعات

طريقتي قبل لـ أحط الروج!

الحلو قبل لا أحط الروج وقبل المناسبة بـ ساعات

اسوي سكرب لـ شفايفي علشان يعطيني نتيجة حلوه

والروج يكون مرتب

طريقتي في مسح الأرواج!

ترا استصعب مسح الأرواج من شفايفي

بـ الذات اذا كانت مات وثباتها قوي

احط طبقة شويا من الفازلين على شفايفي وامسحهم بـ قطن

واحياناً أستخدم مزيل الميك آب من مكياجي وكتبت بوست هينا

علشان إنو ضد الموية وفية زيت

والترطيب مهم مهم بعد مـ نمسح الروج

رأيي!

قلت اجرب واحكم على الأرواج من تجربتي

الصراحه طحت في غرامهم  واخذت احلى الوان بنسبة ليا

ألوانهم مميزة وتستحق التجربة

الأرواج حبيتهم بـ شكل الصراحه توزيعهم سهل وثباتها عالي

الأسفنجة صغيرة وتتوزع بسرعة وحاولي تحطي طبقة خفيفة على الشفايف

علشان تطلع شفايفك بيرفكت

صح الروج ثباتة قوي بس مع الأكل والشرب

وعدا ساعات طويلة راح يصير اللون باهت

يعني دايماً الروح معايا في طلعاتي

الصراحه ضربة الماركة لونهم Cashmere الشهير اللون غريب وهو السبب يلي مسوي ضجة

يمكن الألوان مـ تبين في الصورة بس في الواقع تجنن

الألوان يلي أخترتهم تناسب بشرتي وايد وتناسب كل الوان البشرات لكنها تختلف بـ شي بسيط

لونه صريح والاندرتون بارد يناسب كل البشرات لونه فوشي واللون صيفي وبناتي

سواتش للألوان

كمية الجمال في هـ اللون مـ تنوصف يجنن لونه نود غامق بني على أحمر كيذا حلو للأستخدام اليومي

سواتش للألوان

لون كاشمير بين البيج والرمادي ويختلف من بشرة لـ بشرة مثل يلي في الصورة

حبيته أكثر شي على الشدو السموكي والغامق يعطي رونق ولوك ناعم

مثل الصورة الأولى من اليسار

اللون حلو الصراحه هادئ ودرجة اللون غريبة

فية بنات مـ ناسبهم اللون حطي قبله ليب لاينر وردي =محدد

وبعدها روج كاشمير

مثل الصورة يلي في النص

سواتش للألوان

لونه عجيب

هـ اللون حبيته حبيته لونه أحمر عودي الصراحه فخم ويناسب الكل

سواتش للألوان

دمتم بحب

♥♥